بسم الله الرحمن الرحيم

حبيباتي

مشكلة تواجه الكثير من الامهات الا وهي

عدم اقبال الاولاد على حفظ القرانمش فاهمة هو ايه اللي حصل

وهي مشكلة مؤرقة جداااااااا

ولكن فكري معي ..

لماذا يقبل الكبار على القران ولا يقبل عليه الصغار ؟

الاجابة بسيطة جدااااااااااا

لاننا نعرف للقران قدره ونقدر اهميته في حياتنا وديننا

علشان كده لازم والف لازم نعرف اولادنا اهمية القران

اولا: لازم تعرفيهم حديث الرسول -صلى الله عليه وسلم - : (من أراد الدنيا فعليه بالقران ومن أراد الاخره فعليه بالقران ومن ارادهما معا فعليه بالقران)

ثانيا: تحكيلهم عن قصص أهل القران وانهم أهل الله لانهم حملة كتاب الله

وان من حفظ القران عظمت قيمته وان ربنا هيحبهم لما يحفظوا القران وهيحفظهم بحفظهم للقران

ثالثا : لازم تشغلي في البيت قران كتيـــــر علشان ودنهم تاخد عليه
ولازم تحفظيه قدامهم علشان تبقيش بتقولي لهم احفظوا ومتحفظيش انتي اكيد كش هيسمعوا كلامك

رابعا : لازم تحكيلهم قصص القران لان القران تلته قصص اصلا
وهما لما تحكيلهم القصه هيحبوا يحفظوا الايه اللي مرتبطه بيها

خامسا : لازم تعملي له مكافأة لما يحفظ الجزء اللي حددتيه انه يحفظه النهارده
ولو هما اطفال كتير يبقى اللي يحفظ احسن ليه جايزه اكبر

مثلا هما عايزين اكل معين يبقى اللي حفظ احسن هوه اللي يحدد الاكله دي او الحلويات اللي تعمليه
او جوائز مادية فلوس او اي حاجه

لازم تقوي روح المنافسه بينهم لو كتير ولو طفل واحد يبقى اشتغلي على وتر التحدي ونافسيه انتي

ممكن تخلي يوم الجمعة مثلا او اي يوم فاضي عندهم يوم المراجعة وده تراجعي فيه اللي حفظه طول الاسبوع وكل لما المراجعه تكون احسن كل لما الجايزه تكون احسن

لما ابنك يراجع 10 اجزاء او حتى5

خليه يشترك في مسابقات اللي بتعملها المساجد او غيرها

ده هيخليه يشوف اطفال في سنه او اصغر وحافظين اكتر واحسن فيغير ويبقى احسن واحسن

واحلى طريقة تحفظي بيها طفلك انك تحفظي معاه
تشوفي مثلا انك لو هتحفظيه سورة الصف هبدأي بانك تفهميه معني ايه (سَبَّحَ لِلَّهِ مَا فِي السَّمَاوَاتِ وَمَا فِي الأَرْضِ وَهُوَ الْعَزِيزُ الْحَكِيمُ) وبعدين تفضلوا ترددوها مع بعض وقوليله سمعهالي كده وانتي اللي تسمعي وبعدين قوليلها يلا انت قولها ولما يسمعها انقلي ع الاية اللي بعدها(يَا أَيُّهَا الَّذِينَ آمَنُوا لِمَ تَقُولُونَ مَا لا تَفْعَلُونَ) وطبعا هتعرفيها المعني وترددوها مع بعض زي الاية الاولى ولما يسمعها لك ضمي الايتين مع بعض ورددوهم وبعدين سميعالها وخليه يسمعهم .. وهكذاولو عندك كتب تفسير هتلاقي اسباب نزول الايات اللي هيه قصص تربطيلها الايه اللي بتحفظها بالقصة ومثلا وانتو قاعدين تتغدوا تقوليلها يلا قولي لبابا قصة اية كذا

جايبالكم قصة رااااااااااااااائعه والله

عن ام بتحفظ اولادها القران

يقول أحد معلمي القرآن في أحد المساجد ...
أتاني ولد صغير يريد التسجيل في الحلقة . ..
فقلت له: هل تحفظ شيئاً من القرآن؟
فقال نعم
فقلت له: إقرأ من جزء عم فقرأ ....
فقلت: هل تحفظ سورة تبارك ؟
فقال: نعم
فتعجبت من حفظه برغم صغر سنه ....
فسألته عن سورة النحل؟
فإذا به يحفظها فزاد عجبي ...فأردت أن أعطيه من السور الطوال فقلت: هل تحفظ البقرة؟
فأجابني بنعم وإذا به يقرأ ولا يخطئ...فقلت: يا بني هل تحفظ القرآن ؟؟؟
فقال: نعم !!
سبحان الله وما شاء الله تبارك الله ...
طلبت منه أن يأتي غداً ويحضر ولي أمره ... وأنا في غاية التعجب ... !!!
كيف يمكن أن يكون ذلك الأب ... ؟؟
فكانت المفاجأة الكبرى حينما حضر الأب !!!
ورأيته وليس في مظهره ما يدل على التزامه بالسنة... فبادرني قائلاً: أعلم أنك
متعجب من أنني والده!!! ولكن سأقطع حيرتك ... إن وراء هذا الولد إمرأة بألف رجل..
وأبشرك أن لدي في البيت ثلاثة أبناء كلهم حفظة للقرآن ... وأن ابنتي
الصغيرة تبلغ من العمر أربع سنوات تحفظ جزء عم
فتعجبت وقلت: كيف ذلك !!!
فقال لي ان أمهم عندما يبدئ الطفل في الكلام تبدأ معه بحفظ القرآن وتشجعهم على
ذلك .... وأن من يحفظ أولاً هو من يختار وجبة العشاء في تلك الليلة ... وأن من
يراجع أولاً هو من يختار أين نذهب في عطلة الإسبوع ... وأن من يختم أولاً هو من
يختار أين نسافر في الإجازة .... وعلى هذه الحالة تخلق بينهم التنافس في الحفظ
والمراجعة...

وجبت لكم موضوعين كده هيساعدوكم ف تحفيظ اولادكم القران
بس بالله عليكم متكسلوش ف قرائتهم لان سطر واحد ممكن يفرق كتير مع حفظ ابنك للقران

اول موضوع :

ازاي تجعلي اولادك يهتمون بالقران من مرحلة الاجنة لمرحلة الشباب

على فكره الموضوع ده طويل شوية

لو هتكسلي تقرأيه يبقى شوفي العناوين وشوفي عمر ابنك كام واقرأي اللي تحتها وان كنت افضل قراءة الموضوع كاملا

وده الرابط

http://www.saaid.net/tarbiah/120.htm

والموضوع التاني وده صغير اوي

عباره عن نصايح ع السريع علشان تحببي اولادك في القران

وده الرابط

http://forums.yallagroup.net/topic/16497-%D9%83%D9%8A%D9%81-%D8%AA%D8%AD%D8%A8%D8%A8%D9%8A%D9%86-%D8%B7%D9%81%D9%84%D9%83-%D9%81%D9%8A-%D8%A7%D9%84%D9%82%D8%B1%D8%A7%D9%86/

معلش الرابط كبير شويه بس الموضوع صغير صدقوني
واولا واخيرا استعينوا بالله دائما وادعوه يهدي اولادكم اولاد المسلمين جميعا لحفظ القران والعمل به

ارجوا ان اكون قد افدتكم ولو بقدر ضئيل

ولا ارجوا سوى دعوة جميلة بأن يجعلني ربي من أهل القران حملته الحافظين له والعاملين به والداعين اليه

بارك الله فيكن وفي اولادكم

اترككم في رعاية الله وامنه

وسلام الله عليكم ورحمته وبركاته

توقيع بنت الكليه